6. Iyomparetyaro Oyenkishiriamento Ashi Pashinipaye Nampitsi Onkantya Antekatsite Eejatzi Ojewatantyari Anampitsite.
Ari amatakero ajewatakantero antawaire ashi yomparetaantsi pashinikipaye Nampitsi onkantya antekatsite; ojewatantyari antawairentsipaye eejatzi oshekitantyari oireekite Anampitsite. Onkametsatantyari, ojewatantyari Anampitsite ontzimatye Impinkatsatakantero Awinkatsarite irañamento shiramparipaye eejatzi tsinanepaye; onkantya omonkaratantyarori okantakantsiri Apatotantsitepaye Nampitsi (Naciones Unidas) eejatzi ( Sistema Interamericano). Ijewatero tampatsikari kenkitsawaitaantsi Awinkatsarite apatoirentsikipaye tsikanta iyomparetyaro oyenkishiriamento irapatotaantsitepaye shirampatri kowatziri impinkatsariwentero Anampitsite eejatzi pashinipaye kantashiyetachari apatotaantsi.
Ijewatantyarori Awinkatsarite antawairentsika ontzimatye:
(a) irokakantero amanantayeta omanarontsi ashi owayeritaantsi (America Latina) antekatsitantyari kametsaini onkantya ojewatakantyaarori antawairepaye anampitsitepaye eejatzi ontsomakantyari ashinonkaantsi anampitsitekipaye;
(b) ijewatakantero pinkatsaritaantsi ashi irañamento shiramparipaye, tsinanepaye, yomparetaantsi ashi kenkishiriamentotsipaye eejatzi añamento Anampitsite Perú. Jowayeritero apatoirentsite koshitaantsi, kokaweritaantsi, oisomokoripaye saikayetatsiri pashinikipaye Nampitsi eejatzi anampitsiteki ashi;
(c) jiyomparetakotyaro oyenkishiriametopaye pashinipaye Nampitsi iroperori iyotantyarori ajewatakairo antawaire , oireekite, iyenkishiriamento atziripaye eejatzi apatotaantsipaye ashi Anampitsite;
(d) jampitakotero nampitsijanikipaye saikayetatziri otsapinampiki oipatsite Perú eejatzi iyomparetyaro antawaire pashini Nampitsi tsipatanampitairi;
(e) ishintsitakairo iroperori yomparetantsi ashi Perú kantakowenterone, onkantya ojewatantyari antawaire pashinikipaye Anampitsite eejatzi impokantyari osheki oireekite ashi pashinipaye Nampitsi kowayetatsiri ampitakotero Anampitsite;
(f) ijewatakante antawairentsi antawaitantyari pashiniki Nampitsi; (g) impinkatsatero oipatsite pashinipaye Nampitsi tsipanampitairi.
