29. Onkoñatakotaje Ayenkishiriamento Sankenarentsikipaye, Choritomokoki, Pirontsimokokipaye.

Ari amatakero ankantakowentero iwinkatsashiriantsite maaroni atziripayeni. Ari onkantakia inkowakoteri maaroni atziripayeni kamantaantsipaye iroperori irashi Awinkatsarite onkantya oyotantyari Anampitsite. Ari amatakero ankantakowentero oyenkishiriamento Anampitsite onkantya onkoñatakotantajiari iroperori kamantaantsi. Ari amatakero ajewatakantero iroperori antawairentsi onkantya oshitowakotantajiari iroperoripaye kamantaantsi eejatzi ari onkantakia iwetsikajeite atziripaye kantashiwaiyetachari iroperori kamantaantsi.
Inkantakowentantyarori Awinkatsarite antawairentsika onkantya onkoñatantajiari akenkishiriamento ontzimatye:

(a) ijewatakantajero yotaantsi tampatsikari kamantakoterone kametsaperoini tsika okanta ojewatsi irantawaire Awinkatsarite eejatzi tsika ikaratzi kireeki jantawaitakantakeri. Te onkametsate amanakawaite;
(b) Intsokatakantero Kantakantaantsipaye kisanentsirori oyenkishiriamentopaye impokirotaantsi. Jashitakotakanteri tsaiwaripaye erotzipaye kaari antawaiterone kametsaini kamantaantsi;
(c) joinijantajero Awinkatsarite tampatsikari kamantaantsi pirontsimokoki Anampitsite;
(d) intsonkatakantero kariperotaantsi antawairentsi ashi impokirotaantsi eero opinaperotanta onkantya jantawaitantyarori. Maaroni atzirite Anampitsite;
(e) jimonkaratakantero owinkatsashiriamento Anampitsite eejatzi irashi atziripaye. Onkoñatakotaje kametsaini oyenkishiriamento anampitsite eejatzi irashi atziritepayeni;
(f) itsipataro Pinkatsimentotsi amenakantzirori kamantaantsi irashi Awinkatsarite onkantya onkoñatakotantajiari kametsari kamantaantsi ashi Anampitsite;
(g) ari inkatakowentakero antawaire japatotantsite atziripaye kowatziri impinkatsariwentero Anampitsite onkantya onkoñatakotantajiari kamantaantsikipaye irantawairepaye;
(h) Awinkatsarite ari jamawentakiaro tsaiyakotaantsipaye eejatzi kishimataantsipaye;
(i) ari inkantakowentakero tampatsikari antawaire kamantaantsipaye onkantya onkantakowentantyariri iwinkatsashiriamento atziripayeni kamantaantsikipaye,
(j) ari iwetsikakantake kantakantaantsi kantakanteroneri , oinijanteroneri tampatsikari iyenkishiriamento erotzipenkipaye Japatotaantsitekipaye;
(k) jinashityaro iyenkishiriamento aririka jiñakowenteri(o) imposawaitaitero iwinkatsashiriamento atziripayeni.