18. Iñaperotakayaro Iroperori Antawairentsi Ishekitantyari Oireekite Anampitsite.
Akowiri antaiyerini ashekiero ajate Anaakotawakaiya Amonkarairo Antawairi Nampitsi onkoweri aretyari ishooke kireeki onkeni ontzime antawairentsi Iroperori maaroniki Nampitsi . Onkametsatantyari ojate anaakotawakaiya Amonkarairo maaroni osaikakote antawairentsi , osaiki iriani y antaro tsika opayetantzi antawairentsi , ontzimantyari ontzimatye ashintsinkero maaroni anampiki iritake maperoteroni amenakoteroni panterone antawairentsi eejatzi Nampitsiki , amenakotantyarori ashewatero apani Yotantsi Iroperori onkantya otzimantyari apani kinkishiriantsi kametsari osaikantyari oshekieri kireeki kaari ashi Pinkatsari onkantya jantayetziri ashi Pinkatsari y kaari ashi Pinkatsari . Iro akowiri antaiyerini ashewatero y aretyaro owetsikakotya antawairentsi , intzime kireeki maaronipaye.
Iroka akowiri aretyari Nampitsi ;
(a) apatotero apani amenakorontsi Iroperori , jewayetzirori , Onkoñaate Kametsa , owakerari eejatzi otsipareya shintsinkantsi ;
(b) ontzimatye amonkaratakairo onkanteri apani aikitsite oshewatakotya owametsatya y anakotawakaiya amonkarairo antawairi kireeki ;
(c) ontzimatye amenero apani apatotero owetsikakoyetya Iroperori ari onkantaitatyeya , eejatzita ontzimatye ontsonkatero okaratzi otzikaakoyeta oshitowi amanantaantsi ;
(d) amemenatero ashewatero owetsikia Kametsa pankotsi ;
(e) amemenatero ashewatakotero aparoni antaro anakoyetya opimantayeta tzimayetatziri , owayetatsiri ireekite jantawaitakaayetziri ;
(f) apayetero apani kinkishiriantsi jamenakotya kireeki eero japawaita ontzime antawairentsi,eejatzi ampimante pashiniki Nampitsi;
(g) amemenatero ashewatero ompinatya maaroni okaatzi tzimatsiri eejatzita oshekite ampimanteri pashini Nampitsi ;
(h) ontzimatye ajewatero ikamantakotya ikaratzi kireeki ;
(i) ontzimatye ajewatero oinijairo Iroperori antawairentsi , owetsikakotya , osaikayete ompayete oinijaiya Iroperori antawairontsi;
(j) ari ayotayetakeri amenakoteroni antawairontsi onkantya oshintsite antawairentsi ;
(k) owetsikakotya apani iyotanenka atziripaye anakotawakaiya amonkarairo okaratzi anteri antawairentsi opampitsashiriakari Nampitsi.
